உலக மேசைப்பந்து போட்டி: உலக தரவரிசையில் முதல் இடத்தில் உள்ள சீனா வீரர்களைத் தோற்கடித்துள்ள சிங்கப்பூர் வீரர்கள்!!

உலகத் தரவரிசையில் முதல் இடத்தில் உள்ள சீனாவின் வீரர்களை சிங்கப்பூர் மேசைப்பந்து வீரர்களான ஐசாக் குவெக்,கோன் பாங் ஆகியோர் தோற்கடித்துள்ளனர்.

சிங்கப்பூர் வீரர்கள் உலக மேசைப்பந்து போட்டியின் ஆண்களுக்கான இரட்டையர் காலிறுதி சுற்றில் சீனாவைச் சேர்ந்த Yuan Licen ,Xiang Peng ஆகியோரை எதிர்த்து போட்டியிட்டனர்.

11-6,11-6,11-9 என்ற செட் கணக்கில் தோற்கடித்துள்ளனர்.அடுத்த அரையிறுதி சுற்றில் ஜப்பான் அல்லது சீனாவைச் சேர்ந்த அணியுடன் மோதுவர்.

உலகத் தரவரிசை பட்டியலில் 18 வயது குவெக் மற்றும் 22 வயது பாங் ஆகிய இருவரும் 10 வது இடத்தில் இருக்கின்றனர்.

ஜப்பானில் உலக மேசைப்பந்து போட்டி நடைபெற்று வருகிறது.