ஒரு விமானப் பயணச்சீட்டு வாங்கினால் ஒரு பயணச்சீட்டு இலவசமாகக் கிடைக்கும்.ஏப்ரல் 1 தேதி முதல் ஹாங்காங் செல்ல உள்ள பயணிகளுக்கு வழங்கப்படுகிறது.
இச்சலுகை ஒரு மாதம் நீடிக்கும் அல்லது இதற்காக ஒதுக்கப்பட்ட பயணச் சீட்டுகள் அனைத்தும் விற்கப்படும் வரை இருக்கும்.
இந்தச் சலுகை மூலம் இலவசப் பயணச்சீட்டு பெறுவோர் அதற்கான விமான நிலைய வரிகள், பயணக் காப்புறுதிக்கான தொகையைச் செலுத்த வேண்டும்.
எஸ்ஏ டுவர்ஸ், நாம் ஹோ டிராவல், சான் பிரதர்ஸ் டிராவல், சிடிசி டிராவல், இயு ஹாலிடேஸ், ஏஎஸ்ஏ ஹாலிடேஸ் ஆகியவை இந்த சிறப்பு சலுகைகளை வழங்குவதில் அடங்கும்.
சிறப்புச் சலுகையின்கீழ் 200லிருந்து 300 பயணச்சீட்டுகள் வரை வழங்கப்படும்.முதலில் வருவோருக்கு முதல் சலுகை அடிப்படையில் விற்பனை செய்யப்படும் என்ற அணுகுமுறை கடைப்பிடிக்கப்படும் என்றும் ஸ்ட்ரெய்ட்ஸ் டைம்ஸ் நாளிதழிடம் தெரிவித்தன.
சிறப்புச் சலுகை மூலம் பெறப்படும் பயணச்சீட்டுகளைச் சுற்றுப்பயணத் தொகுப்புகளுடன் இணைத்துக்கொள்ளலாம் என்று தெரிவிக்கப்பட்டது.
அந்தச் சலுகை ஏழு நாள்களுக்கு நடப்பில் இருக்கும் என்று அறிவிக்கப்பட்டிருந்தது.
ஆனால்,இலவச பயணச்சீட்டுகள் அனைத்தும் ஒரு மணி நேரத்தில் பெற்றுக்கொள்ளப்பட்டன.
பலர் நீண்ட வரிசைகளில் இலவச பயணச்சீட்டுகளுக்காக காத்திருந்தனர்.