சிங்கப்பூரில் மரணத்தை விளைவித்த விபத்து?

சிங்கப்பூரில் மார்ச் 27-ஆம் தேதி பிற்பகல் 3.20 மணியளவில் காவல்துறைக்கு தகவல் ஒன்று கிடைத்தது.

920 தியோங் பாரு ரோட்டில் உள்ள ரெட்ஹில் ரயில் நிலையத்துக்கு அருகில் உள்ள கூரைவேய்ந்த நடைபாதை மீது வேன் மோதி விபத்து ஏற்பட்டுள்ளதாக தகவல் கிடைத்தது.

இந்த விபத்து குறித்த காணொளி tiktok -யில் பகிரப்பட்டுள்ளது.அதில்,வேனின் முகப்புக் கண்ணாடி உடைந்துள்ளதைப் பார்க்கலாம்.

நடைபாதைக்கான தடுப்புகளும் சேதமடைந்துள்ளது.ஓட்டுநர் இருக்கையில் 72 வயதுடைய நபர் சிக்கியிருந்தார்.

சம்பவ இடத்திற்கு சிங்கப்பூர் குடிமைத் தற்காப்புப்படை சென்ற போது ஓட்டுநர் இருக்கையில் சிக்கி இருந்த நபரை மீட்டு மருத்துவமனையில் அனுமதிக்கப்பட்டார்.

அவர் மீட்கப்படும் பொழுது சுயநினைவின்றி இருந்தார்.

அவர் உயிரிழந்து விட்டதாக காவல்துறை கூறியது.விசாரணைத் தொடர்கிறதாகவும் கூறியது.