பிலிப்பைன்ஸில் கோர தாண்டவமாடும் டிராமி புயல்..!! இதுவரை 40 பேர் பலி..!!!

பிலிப்பைன்ஸில் டிராமி புயல் தாக்கியதில் உயிரிழந்தவர்களின் எண்ணிக்கை 40 ஆக உயர்ந்துள்ளது.

நாட்டின் வடகிழக்குப் பகுதிகளில் கனமழை பெய்து வருகிறது.

கனமழையின் கோரத்தாண்டவத்தில் பிலிப்பைன்ஸில் வெள்ளம் மற்றும் நிலச்சரிவு ஏற்பட்டுள்ளது.

பிலிப்பைன்ஸின் சில நகரங்கள் வெள்ளக்காடாக காட்சியளிக்கிறது.

மக்கள் தொகை அதிகம் உள்ள லூசான் தீவை நேற்று காலை சூறாவளி தாக்கியது.

ஒரு மாதத்தில் பெய்ய வேண்டிய மழை ஒரே நாளில் கொட்டித் தீர்த்தது.

வீடுகளில் வெள்ளம் புகுந்ததால் மக்கள் வீடுகளின் மேற்கூரையில் தஞ்சம் புகுந்தனர்.

அவர்களை காப்பாற்ற மீட்புப் பணியாளர்கள் போராடி வருகின்றனர்

டிராமி புயலால் பிலிப்பைன்ஸில் சுமார் இரண்டு மில்லியன் மக்கள் பாதிக்கப்பட்டுள்ளதாக தெரியவந்துள்ளது.

மேலும் சுமார் 200,000 மக்கள் தங்கள் வீடுகளை விட்டு பாதுகாப்பான இடத்திற்கு இடம்பெயர்ந்துள்ளனர்.

Follow us on : click here