அடுக்குமாடி கட்டிடத்திலிருந்து சிறுவனை மீட்ட ஆடவருக்கு பாராட்டு!!

சிங்கப்பூர்:செம்பவாங் பகுதியில் உள்ள முனிசிபல் புளோக்கின் ஜன்னல் விளிம்பில் நின்று கொண்டிருந்த சிறுவனை மீட்டச் சம்பவம் பரபரப்பை ஏற்படுத்தி உள்ளது.

கேன்பரா சாலையில் உள்ள புளோக் 350C இல் உள்ள 3வது மாடி வீட்டில் இந்தச் சம்பவம் நடந்துள்ளது.

இச்சம்பவம் தொடர்பான வீடியோ ஒன்று சமூக வலைதளங்களில் வைரலானது.

சமூக ஊடகங்களில் பகிரப்பட்ட வீடியோவில், சிறுவன் ஜன்னல் ஓரத்தில் நிற்பதைக் காணலாம்.

நீல நிற உடையில் சிறுவன் சுவரை பிடித்தவாறு நிற்பதை கீழே இருந்த சிலர் பார்க்கிறார்கள்.

சிறுவனைக் காப்பாற்ற நால்வரும் ஒரு போர்வையைக் கொண்டு வந்து தரையில் விரித்தனர்.

அச்சிறுவனை காப்பாற்றுவதற்காக ஒருவர்
3 வது மாடியின் ஜன்னல் வழியாக மெதுவாக நடக்கிறார்.

அவர் சிறுவனை கட்டி அணைத்து பின்னால் உள்ள ஜன்னல் வழியாக வீட்டிற்குள் வருகிறார்.

அந்த நபர் வீட்டில் யாரிடமோ பேசிக் கொண்டிருப்பது போல் தெரிகிறது.

இந்த வீடியோவை பார்த்த நெட்டிசன்கள் பலரும் சிறுவனை காப்பாற்றியவர் மற்றும் போர்வையை கொண்டு வந்தவர்களை பாராட்டி வருகின்றனர்.

இச்சம்பவம் தொடர்பாக போலீஸ் விசாரணை நடைபெற்று வருகிறது.

மேலும் 25 வயதான பெண் விசாரணைக்கு ஒத்துழைப்பதாக அவர்கள் தெரிவித்தனர்.

Follow us on : click here