சிறப்புத் தேவையுடைய மாணவர்களின் கலை படைப்பு மூலம் திரட்டப்படும் நிதி..!!!

சிங்கப்பூர்: சிங்கப்பூரின் சமூக சேவை நிறுவனமான ரெயின்போ ஸ்டேஷன், மாற்றுத்திறனாளி மாணவர்களின் கலைப்படைப்பு மூலம் நிதி திரட்டுகிறது.

உடல் ஊனமுற்ற மாணவர்களுக்கு கலைத்துறையில் வாய்ப்பு அளிக்க வேண்டும் என்பதை நோக்கமாகக் கொண்டு செயல்படுகிறது.

அதன் அடிப்படையில் ரெயின்போ நிலையம் மாணவர்களுக்கு பயிற்சி அளிக்கிறது.இங்கு சுமார் 190 மாணவர்கள் பயிற்சி திட்டத்தில் சேர்ந்துள்ளனர்.

அவர்கள் உருவாக்கிய படைப்புகள் அனைத்தும் கண்காட்சியில் இடம்பெறும்.

ரெயின்போ நிலையத்தின் கலைப் பயிற்சித் திட்டத்தின் கீழ் இந்தக் கண்காட்சி நடைபெறுகிறது. இது ஊனமுற்ற மாணவர்களுக்காக 250,000 வெள்ளி வரை நிதி திரட்டுகிறது.

இந்த நிதியானது ஊனமுற்ற மாணவர்கள், பராமரிப்பாளர்கள் மற்றும் சிறப்புக் கல்விக்கான ஆராய்ச்சி போன்றவற்றிற்கு பயன்படுத்தப்படும்.

இந்த நிலையம் ஏற்பாடு செய்திருந்த Curio கண்காட்சியில் மாணவர்களின் 45 படைப்புகள் காட்சிப்படுத்தப்பட்டன.

ரெயின்போ ஸ்டேஷன் கலைப்படைப்புகளை ஏலம் விடுதல், சுற்றுப்பயணங்கள் மற்றும் பயிலரங்குகள் நடத்துதல் போன்ற நடவடிக்கைகளின் மூலம் நிதி திரட்ட முயல்கிறது.

கடந்த ஆண்டு கலைப் படைப்புகளின் விற்பனையில் இருந்து ரெயின்போ ஸ்டேஷன் கிட்டத்தட்ட 500,000 வெள்ளி வரை நிதி திரட்டியது குறிப்பிடத்தக்கது.