போதை பொருள் கடத்தல் சம்பவத்தில் ஈடுபட்ட சிங்கப்பூரர் கைது...!!!
சிங்கப்பூர்: போதைப்பொருள் கடத்தியதாக சந்தேகத்தின் பேரில் சிங்கப்பூரர் ஒருவர் கைது செய்யப்பட்டுள்ளார்.மத்திய போதைப்பொருள் தடுப்புப் பிரிவு இந்தத் தகவலை வெளியிட்டுள்ளது.
தாய்லாந்து அதிகாரிகள் சந்தேக நபரை செப்டம்பர் 17 அன்று கைது செய்தனர்.பின்னர் சிங்கப்பூர் திரும்பிய அவர் மத்திய போதைப்பொருள் தடுப்புப் பிரிவினரிடம் ஒப்படைக்கப்பட்டார்.
சந்தேக நபர் 31 வயதான பென்னி கீ சூன் சூவான் என தெரியவந்துள்ளது.இன்று (செப்டம்பர் 20) அவர் மீது நீதிமன்றத்தில் குற்றம் சாட்டப்பட உள்ளது.
2020 டிசம்பர் மற்றும் 2022 நவம்பர் மாதங்களில் மத்திய போதைப்பொருள் தடுப்புப் பிரிவு நடத்திய விசாரணையில், பென்னி போதைப்பொருள் கடத்தலில் ஈடுபட்டது தெரியவந்தது.மேலும் இது குறித்து தொடர்ந்து விசாரணை நடைபெற்று வருகிறது.
Follow us on : click here 