சிங்கப்பூருக்குள் “அரவானா ”மீன் கடத்தல் முயற்சியில் ஈடுபட்ட நபருக்கு 9 மாத சிறை தண்டனை...!!!
சிங்கப்பூர்: ஆசிய அரவானா மீன்களை சிங்கப்பூருக்கு கடத்த முயன்ற நபருக்கு 9 மாத சிறைத்தண்டனை விதிக்கப்பட்டுள்ளது.
மலேசியாவைச் சேர்ந்த 51 வயதான லியு கிம் குவான் முறையான உரிமம் இல்லாமல் மீன்களை இறக்குமதி செய்து வந்தது கண்டுபிடிக்கப்பட்டுள்ளது.
இது தொடர்பாக அவர் மொத்தம் 11 குற்றச்சாட்டுகளை எதிர்கொள்கிறார்.
இந்த ஆண்டு மே 7 அன்று, துவாஸ் சோதனைச் சாவடியில் மேற்கொள்ளப்பட்ட சோதனை நடவடிக்கையின் போது லியு பிடிபட்டார்.
அப்போது அவரிடம் உயிருள்ள ஆசிய அரவானா மீன் இருப்பது கண்டுபிடிக்கப்பட்டது.
குடிவரவு மற்றும் சோதனைச் சாவடிகள் ஆணையத்தால் விசாரிக்கப்பட்டபோது, வாகனத்தில் மீன்கள் இருப்பது தெரியும் என்றும், அதை தான் சிங்கப்பூருக்கு இறக்குமதி செய்ய நினைத்ததாகவும் லியு ஒப்புக்கொண்டார்.
பின்னர் லியுவை அதிகாரிகள் கைது செய்தனர்.
அவரிடம் இருந்த மீன்கள், இரண்டு மொபைல் போன்கள் மற்றும் லியுவின் மலேசியப் பதிவு செய்யப்பட்ட வாகனம் ஆகியவற்றை அதிகாரிகள் பறிமுதல் செய்தனர்.
சிங்கப்பூரில் இருக்கும் ஒருவருக்கு லியு மீன்களை வழங்கி வந்தது விசாரணையில் தெரியவந்துள்ளதாக தேசிய பூங்கா சேவை தெரிவித்துள்ளது.
லியு குறைந்தது 10 முறை சிங்கப்பூருக்கு வெவ்வேறு எண்ணிக்கையிலான அரவானா மீன்களை கொண்டு வந்து விநியோகம் செய்தது விசாரணையில் தெரியவந்துள்ளது.
Follow us on : click here 