பங்களாதேஷில் உள்ள சிங்கப்பூரர்களுக்கு அறிவுரை!!

சிங்கப்பூர்:
பங்களாதேஷில் தற்போது பதற்றமான சூழ்நிலை நிலவி வருகிறது.

சிங்கப்பூரர்கள் பங்களாதேஷூக்கு பயணங்களை ஒத்திவைக்குமாறு சிங்கப்பூர் வெளியுறவு அமைச்சகம் அறிவுறுத்தியுள்ளது.

பங்களாதேஷில் கடந்த சில தினங்களாக அரசுப் பணிகளுக்கான இடஒதுக்கீடு முறைக்கு எதிராக மாணவர்கள் போராட்டத்தில் ஈடுபட்டுள்ளனர்.

அந்தப் போராட்டத்தின் விளைவாக நூற்றுக்கும் மேற்பட்டோர் உயிரிழந்தனர். ஆயிரத்திற்கும் மேற்பட்டோர் காயமடைந்துள்ளனர்.

நிலைமையை கட்டுக்குள் கொண்டுவர முடியாமல் காவல்துறையினர் தொடர்ந்து போராடி வருகின்றனர்.