எப்படி இருந்த நான் இப்படி ஆயிட்டேன்…. மகிழ்ச்சியில் திக்கு முக்காடும் விக்னேஷ் சிவன்…

சென்னை:தமிழ் திரையுலகில் இயக்குநர் விக்னேஷ் சிவன் முதன்முதலில் ‘போடா போடி’ படத்தின் மூலம் அறிமுகமானார். இப்படத்தில் சிம்பு மற்றும் வரலட்சுமி சரத்குமார் ஆகியோர் நடித்தனர்.

தமிழ் சினிமாவில் இயக்குநராக நமக்குத் தெரிந்த விக்னேஷ் சிவன் 2007 ல் ‘சிவா’ எனும் படத்தில் கிருஷ்ணா என்பவருக்கு நண்பராக நடித்துள்ளார்.2015 ல் நானும் ரவுடிதான் என்ற படத்தை இயக்கிய போது நயன்தாராவுக்கும்,விக்னேஷ் சிவனுக்கும் காதல் மலர்ந்தது. அதன் பின்பு 2018 ல் ‘தானா சேர்ந்த கூட்டம்’,2020 ல் ‘பாவ கதைகள்’,2022 ல் ‘காத்து வாக்குல ரெண்டு காதல்’ உள்ளிட்ட சூப்பர் ஹிட் படங்களை கொடுத்து ரசிகர்களை திக்கு முக்காட வைத்தவர்.

லேடி சூப்பர் ஸ்டார் என அழைக்கப்படும் நயன்தாராவை காதலித்து 2022ல் மகாபலிபுரத்தில் பிரம்மாண்டமாக இவர்களது திருமணம் நடைபெற்றது. அக்டோபர் 2022-ல் வாடகை தாய் மூலம் இரண்டு ஆண் குழந்தைகளை பெற்றெடுத்தனர். அவர்களுக்கு உயிர்,உலக் என வித்தியாசமான பெயர்களை சூட்டினர்.