நடுவானில் திடீரென ஆட்டம் கண்ட சிங்கப்பூர் ஏர்லைன்ஸ் விமானம்!! இருக்கையிலிருந்து மேலே பறந்த பயணிகள்!!

லண்டனில் இருந்து சிங்கப்பூருக்கு நோக்கிச் சென்ற சிங்கப்பூர் ஏர்லைன்ஸ் விமானம் மிகவும் மோசமாக நடுவானில் ஆட்டம் கண்டது. இதில் ஒருவர் உயிரிழந்துள்ளதாக செய்தி வெளியாகி உள்ளது.

விமானத்தில் இருந்த மற்ற பயணிகள் காயமடைந்ததாக தெரிவிக்கப்பட்டுள்ளது.

லண்டனில் உள்ள ஹீத்ரோ விமான நிலையத்திலிருந்து Boeing 777-300ER ரக விமானம் சுமார் 211 பயணிகள் மற்றும் 18 பணியாளர்களுடன் சிங்கப்பூர் நோக்கி வந்து கொண்டிருந்தது.

திடீரென மிக மோசமாக விமானம் ஆட்டம் கண்டதால் தாய்லாந்தின் தலைநகரான பேங்காக்கில் சிங்கப்பூர் நேரப்படி மாலை சுமார் 4.45 மணியளவில் விமானம் தரையிறக்கப்பட்டது.