சிங்கப்பூர் காவல்துறையின் அதிரடி நடவடிக்கை!

சீன புத்தாண்டு முன்னிட்டு நாடு முழுவதும் முன்னெச்சரிக்கை நடவடிக்கைகளாக சுமார் 460 பேர் விசாரிக்கப்பட்டு வருவதாக காவல்துறை அதிகாரிகள் கூறினார்கள். சீன புத்தாண்டின் போது எந்த ஒரு அசம்பாவித சம்பவங்கள் நடந்துவிடக் கூடாது என்பதற்காக இந்நடவடிக்கைகள் மேற்கொள்ளப்படுவதாக காவல்துறை ஆணையம் குறிப்பிட்டது.

குற்றங்கள் முதலானவற்றைக் கட்டுப்படுத்தும் நோக்கில் நடவடிக்கைகள் மேற்கொள்ளப்பட்டதாக அதிகாரிகள் கூறினர். சட்ட விரோதச் சூதாட்டம், போதைப் பொருள் போன்ற முக்கிய குற்றங்களைக் கட்டுப்படுத்தும் நோக்கில் நடைப்பெற்றது

தொடர்ந்து இத்தகைய நடவடிக்கைகள் நடைபெறும் என்று காவல்துறை அதிகாரிகள் குறிப்பிட்டனர். குண்டர் கும்பல் நடவடிக்கைகளைக் கட்டுப்படுத்தும் வகையில் Sentosa,Clarke Quay,Orchard Road ஆகிய இடங்களில் கவனம் செலுத்தி வருவதாக காவல்துறை அதிகாரிகள் கூறினார்கள். 20 வயதுக்கும் 33 வயதுக்கும் இடைப்பட்ட 6 ஆடவர்கள் கைதுச் செய்யப்பட்டுள்ளனர். அவர்கள் குண்டர் கும்பலுடன் தொடர்பில் உடையவர்கள் என்று நம்பப்படுவதாகச் சொல்லப்படுகிறது.

இவர்களிடம் கத்தி, குத்துவாள் போன்ற ஆயுதங்கள் கைப்பற்றப்பட்டன. பொது மக்களிடம் காவல்துறை உதவி ஆணையர் Justin Wong விழிப்புடன் இருக்கும் படிக் கேட்டுக் கொண்டுள்ளார்.