சிங்கப்பூரில் நடைபெற்ற அதிரடி சோதனை!! சிக்கிய போதைப்பொருள்கள்!!

சிங்கப்பூரில் சோதனை நடவடிக்கையின் போது சட்டவிரோத போதைப்பொருள் கடத்தியதற்காக 45 வயது நபர் ஒருவர் ஏப்ரல் 17-ஆம் தேதியன்று கைது செய்யப்பட்டார்.

இந்த நடவடிக்கையின் போது,சுமார் 286,000 டாலர் மதிப்பிலான போதைப் பொருட்களை காவல்துறை பறிமுதல் செய்யப்பட்டன.

ஹெராயின், எக்ஸ்டசி, ஐஸ், கஞ்சா மற்றும் எரிமின்-5 மாத்திரைகள் உள்ளிட்ட போதைப்பொருட்கள் பறிமுதல் செய்யப்பட்டுள்ளதாக மத்திய போதைப்பொருள் தடுப்புப் பிரிவு தெரிவித்துள்ளது.

சந்தேக நபர் MacPherson Lane அருகே பிடிபட்டார்.

ஜாலான் செங்கெக் அருகே அவர் பதுங்கியிருந்த இடத்தில் மேலும் போதைப்பொருட்களை போலீசார் கண்டுபிடித்தனர்.

சிங்கப்பூரில் 15 கிராமுக்கு மேல் ஹெராயின் கடத்தினால் மரண தண்டனை விதிக்கப்படும்.

இச்சம்பவம் குறித்து காவல்துறை தொடர்ந்து விசாரணை நடத்தி வருகின்றனர்.