தமிழ்நாட்டில் பிரபல திரைப்பட நட்சத்திரங்கள் அஜித்குமார் நடித்த துணிவு திரைப்படமும், விஜய் நடித்த வாரிசு திரைப்படமும் நேற்று (ஜனவரி,11-ஆம் தேதி) நள்ளிரவில் வெளியிடப் பட்டது. இருவருடைய ரசிகர்களும் ஆர்வமுடன் திரைப்படங்களைக் காண ஆவலுடன் இருந்தனர்.
இருவருடைய திரைப்படங்களும் 8 ஆண்டுகளில் ஒரே நாளில் வெளியிடப் படுவது இதுவே முதல் முறை.சென்னை கோயம்பேட்டில் உள்ள ரோகினி திரையரங்கில் இரு நடிகர்களுடைய திரைப்படம் வெளியிடப் பட்டது. காண வந்த ரசிகர்களிடையே தகராறு ஏற்பட்டது.
அஜித்குமார் ரசிகர்கள் வாரிசு படத்தின் போஸ்டர்களைக் கிழித்தனர். இதனை கண்ட விஜய் ரசிகர்கள் துணிவு படத்தின் போஸ்டர்களைக் கிழித்தனர். பின் இருவருடைய ரசிகர்கள் இடையில் வாக்குவாதம் ஏற்பட்டது. இதையடுத்து, அங்கு இருந்த காவல்துறையினர் அவர்கள் மீது தடியடி நடத்தினார்கள்.இச்சம்பவம் சமூக ஊடகங்களில் பரவியது. இதனால் அங்கு பரபரப்புக் காணப் பட்டது.