பொன்னமராவதி அருகே ஆலவயலில் வனத்துறை சார்பில் கலை நிகழ்ச்சிகளுடன் வனத்தீ மேலாண்மை விழிப்புணர்வு முகாம்!!

புதுக்கோட்டை மாவட்டம் பொன்னமராவதி அருகே ஆலவயல் மணத்தொண்டி கிராமத்தில் வனத்துறை மற்றும் ஸ்டெப் பவுண்டேசன் சார்பில் கலைநிகழ்ச்சிகளுடன் வனத்தீ மேலாண்மை விழிப்புணர்வு முகாம் நடைபெற்றது.இந்த முகாமிற்கு வனச்சரக அலுவலர் ராமனாதன் தலைமை வகித்தார்.ஸ்டெப் அறக்கட்டளை இயக்குனர் பசுமை பாரதி முன்னிலை வகித்தார்.இந்த விழிப்புணர்வு முகாமில் கலைநிகழ்ச்சிகள் நடத்தப்பட்டு வனத்தீ தடுப்பு குறித்து பொதுமக்களிடையே விழிப்புணர்வு ஏற்படுத்தப்பட்டது.மேலும் வனத்தீ ஏற்படுவதற்கான காரணிகள் பற்றியும் அதனை தடுக்கும் முறைகள் பற்றியும் விரிவாக விவரிக்கப்பட்டது‌.மேலும் வனத்தினால் ஏற்படும் நன்மைகள் பற்றியும் வனத்தினை அழிப்பதால் ஏற்படும் தீமைகள் பற்றியும் விரிவாக விவரிக்கப்பட்டது.