வீடு புகுந்து திருடிய 23 வயது இளைஞன் கைது…!!!

வீடு புகுந்து திருடிய 23 வயது இளைஞன் கைது...!!!

சிங்கப்பூர்: சிங்கப்பூரில் 23 வயதுடைய நபர் ஒருவர் திருட்டு வேலையில் ஈடுபட்டதாக சந்தேகத்தின் பேரில் கைது செய்யப்பட்டுள்ளார்.

யீஷூன் ரிங் ரோட்டில் உள்ள கிளப் குடியிருப்பில் உள்ள வாடகை வீட்டில் திருட்டுச் சம்பவங்கள் நடந்துள்ளது.

அச்சம்பவம் குறித்து செப்டம்பர் 1அதிகாலை 5 மணியளவில் காவல்துறைக்கு தெரிவிக்கப்பட்டது.

வீட்டில் வாடகைக்கு இருந்த 5 பேரிடம் இருந்த 8 கையடக்கத் தொலைபேசிகள் கொள்ளையடிக்கப்பட்டதாகக் கூறப்பட்டது.

அவற்றின் மொத்த மதிப்பு 3,400 வெள்ளி இருக்கும் என்று கூறப்பட்டது.

விசாரணையின் மூலம் உட்லண்ட்ஸ் காவல்துறை அதிகாரிகள் சந்தேக நபரை அடையாளம் கண்டு அன்றே கைது செய்தனர்.

திருடப்பட்ட 8 செல்போன்கள் அருகில் இருந்த குப்பை தொட்டியின் கீழ் கண்டெடுக்கப்பட்டது.

வீடு புகுந்து திருடிய குற்றத்திற்காக அவர் மீது வழக்கு பதிவானது.

குற்றம் நிரூபிக்கப்பட்டால், அவருக்கு 10 ஆண்டுகள் சிறைத் தண்டனையும் அபராதமும் விதிக்கப்படலாம்.