அப்பாவி மக்களின் தனிப்பட்ட விவரங்களை கையகப்படுத்தும் முயற்சியில் ஈடுபட்ட 2 மலேசிய வர்த்தகர்கள்!!

சிங்கப்பூர்:சீன சைபர் குற்றவாளிகளுடன் இணைந்து 9,300க்கும் மேற்பட்டோரின் தனிப்பட்ட விவரங்களை வாங்கச் சதி செய்த இரண்டு மலேசிய வர்த்தகர்களுக்கு தலா 14 வார சிறைத்தண்டனை விதித்து உத்தரவிடப்பட்டுள்ளது.

சீனாவைச் சேர்ந்த சுன் ஜியோவுடன் பினாங்கைச் சேர்ந்த சியாவ் கிம் ஷென் வயது 42, சிலாங்கூரைச் சேர்ந்த காங் கொங் சென் ஹொய் வயது 39 ஆகியோர் பணிபுரிந்ததாகக் கூறப்படுகிறது.

ஒவ்வொருவருக்கும் தலா 6 மாத சிறைத்தண்டனை வழங்க வேண்டும் என்று அரசு தரப்பு கூறியது.

அந்த நபர்களுக்கு 10,000 வெள்ளி அபராதம் விதிக்குமாறு பாதுகாப்பு தரப்பு கேட்டது.

சிங்கப்பூரில் இருந்தபோது சுன் இருவருக்கும் தரவுகளை வழங்கியது தெரியவந்தது.

தாய்லாந்து குடிமக்களின் பெயர்கள் மற்றும் தொடர்பு எண்கள் போன்றவை பகிரப்பட்டதாக கூறப்படுகிறது.

மேலும் சிங்பாஸ்,அடையாள அட்டை,டெபிட் கார்டு பற்றிய தகவல்கள் பகிரப்படவில்லை என்று தெரிவிக்கப்பட்டுள்ளது.

Follow us on : click here